hany's profileDeveloper : HanySaad's s...PhotosBlogListsMore  |  Tools Help |
|
|
June 04 اللهم لك الحمد والشكر كما ينبغى لجلا وجهك وعظيم سلطانكمن فترة كبيرة وانا ما كتبتش موضوع فى مجتمع الفريق العربى , ففكرت انى اشارككم حاجات واكتئابات فكرت فيها والنهادرة (او الايام دى عموما) انا مكتئب و خايف من الايام الجاية (لاسباب كتير مش عايز اتكلم عنها ) و اثناء تصفحى للمنتدى فى المواضيع القديمة لى (باضيع وقت علشان انسى الاكتئاب) , رأيت هذه المواضيع القديمة لى http://www.arabteam2000-forum.com/index.php?showtopic=97464 http://www.arabteam2000-forum.com/index.php?showtopic=101178 وتذكرت احوالى فى مثل هذه الايام من العام السابق وافتكرت عذاب الكلية العجيبة اللى كنت فيها (كلية العلوم ) , ومعامل الكيمياء اللى دايما فيها حاجات بتنفجر , وتجارب الفيزياء العجيبة اللى دايما بتطلع نتائج غير اللى هما عايزينها , ومسائل الرياضيات اللى نفسى افهم هيا كانت بتتكلم عن ايه او ايه الهدف منها لغاية دلوقتى , و طبعا والاهم الدكاترة الظراف جدا اللى عندهم كل انواع العقد النفسية والاكثر من كل ده , انى ادرس حاجة انا مش طايقها اساسا , وانا دماغى فى حاجة تانية خالص (البرمجة والكود طبعا) ثم ايام الامتحانات , لما اكتشف فجأة انى المفروض فى كلية , وفى مواد هامتحن فيها خلال ايام , والمفروض ابدأ اسأل على اسماء المواد دى والتسول على زمايللى , علشان يعرفونى اسماء المواد , ويدونى اى حاجة اذاكر فيها (لانى طبعا ما كنتش باروح الكلية ولا اعرف حاجة عنها ) طبعا ,مش عايز اوصفلكم شعور زمايللى بيا , بس فى الاخر وبعد 4 سنين , هما بقيوا مش بياخدوا عليا خالص وبقى طبيعى جدا بالنسبالهم , انى اروح لواحد زميلى قبل الامتحان ب 8 ساعات علشان اسأله على اسم المادة للى هنمتحن فيها واى مصدر اذاكرها منه بسرعة ( وطبعا كل زمايللى يكونوا بيذاكروا فى المادة دى من اسبوع ومش قادرين يخلصوها , بس هما بيعملوا نفسهم مش واخدين بالهم , علشان ما يتهوروش ويقتلونى من الغيظ ) فعلا فى مثل هذه الايام من الاعوام السابقة , كنت باكون فى حالة نفسية (تتعدى مرحلة الاكتئاب بمراحل) مش قادر اوصفها وبرغم كله ده , الحمد لله خلصت الكلية وفى اربع سنين بس (يعنى تطور طبيعى جدا  ) , ومن غير ما انزل فى اى مادة خلال الاربع سنينرغم ان القانون المعروف عندنا فى علوم ان : كود
No. Of Study Years = 4 + x , and x>0 حيث x عدد السنين الاضافية (ولازم تكون اكبر من صفر ) وبعد عذاب الكلية , كان عذاب الجيش..... http://www.arabteam2000-forum.com/index.php?showtopic=111892 الطبيعى جدا بالنسبة لكل الكليات التانية , انهم يا اما ياخدوا تأجيل , او اعفاء , او يروحوا الجيش بالنسبة لينا احنا بقى (كلية العلوم والتخصص بتاعنا بالتحدي) , قعدوا حوالى شهر يلعبوا بينا  فى الاول قالولنا تأجيل , رحنا ناخد التأجيل ,قالولنا لا مين قالكم انكم خدتوا تأجيل ؟ المفروض كنتوا تسافروا من اسبوع , وانتم كدا تخلفتم عن الخدمة العسكرية , وهتاخدوا سنة زيادة وبعدين قالولنا , روحوا سلموا نفسكم , وهنحاول نشيل عنكم السنة الزيادة , علشان الغلط كان من عندنا وفى الخر قالولنا انتم تأجيل من الاول , بس كان فى غلط فى الاوراق  فعلا لغاية ما استلمت شهادة التأجيل فى ايدى , ما كنتش مصدق نفسى  وبعد الجيش , الحمد لله نسيت تماما انى كنت فى كلية العلوم او انى درست الكيمياء او الفيزياء واشتغلت حوالى 7 شهور فى الجامعة كويب وداتا بيز ديفيلوبر , ومن حوالى شهر سيبت الجامعة واشتغلت فى شركة برمجيات كويتية بس ليها فرع فى مصر بس كدة , دى كانت قصة حياتى بس بعد ما فكرت فى كل ده , وحالى فى مثل هذه الايام من الاعوام الماضية , وحالى فى مثل هذه الايام لم اجد ما اقول سوى : "اللهم لك الحمد والشكر كما ينبغى لجلال وجهك وعظيم سلطانك" وبالمناسبة دى , ما تنسوش تدعوا لكل ابناء و بنات المسلمين اللى بيمتحنوا الايام دى,,,,, |
|
|
